Dae isinasantabi ni Atty. Israelito Torreon ang posibilidad kan pagluwas ni Sen. Ronald Dela Rosa kun isusunad an kaso kontra saiya sa akmang lokal na korte sa Pilipinas.
Nahapot ang legal counsel ni Sen. Bato kung posibleng iluluwas o masuko si Sen. Bato sa presente, urog na na nagpaso na ang ultimatum na iniluwas kan Philippine National Police (PNP) para sa saiyang pagsuko.
Segun ki Torreon, tanging ang senador sana ang makakapagdesisyon kung maluwas siya, saen man siya yaon ngunyan.
Nahapot man siya kun maluwas ba an senador en kaso mag-isyu ang Supreme Court nin temporary restraining order (TRO) mapadapit sa saiyang warrant of arrest na enot na iniluwas kan International Criminal court (ICC).
Simbag ni Torreon, tanging si Sen. Bato man an makakasimbag asin makakapagdesisyon digdi, alagad nagtitinir ang posibilidad na luwas siya kung magdedesisyon na ang kataas-taasang hukuman.
Paliwanag kan abogado, habo ni Sen. Bato na mistulang maging ‘parang manok’ na basta na sana dakopon asin dagos na darahon sa The Hague nin dae nag-aagi sa mga lokal na korte kan nacion.
An tanging pighahagad suboot kan kampo ni Sen. Bato an proteksyon kan mga lokal na korte, asin bako sana basta inaaresto huli sa warrant na iniluwas kan sarong international tribunal.
