Inanunsyar kan Filipina-British singer-songwriter na si beabadoobee an saiyang ikaapat na studio album, ang “Pylon,” na nakatalaang iluwas sa Setyembre 18.
Kasunod ini kan saiyang album na “This Is How Tomorrow Moves,” na nangenot sa UK albums chart kan ini iniluwas kan 2024.
Segun ki beabadoobee, o Beatrice Laus sa tunay na buhay, an titulo kan album an gikan sa electricity pylons na nakalinya sa pangenot na kalsada asin landscapes, na nagpaparumdom saiya kan saiyang istaran asin kan saiyang koneksyon sa pamilya asin mga barkada mantang nasa tour sa mga nakalihis na taon.
Kasabay kan pag-anunsyar kan album, iniluwas man kan singer an bagong rock single na “Sun Has Set”.
An 14-track album an nagtutukar sa mga temang isolation, relationships asin self-reflection, mantang may impluwensya nin rock music kabale an grunge, emo, asin alternative rock.
Kabale sa mga guest artists sa nasabing record sinda Hayley Williams kan Paramore, vocalist kan Turnstile na si Brendan Yates, Evan Stephens Hall kan Pinegrove, ang frontman kan Deftones na si Chino Moreno, gitarista kan Title Fight na si Shane Moran, magin an miyembro kan The 1975 na si Matty Healy asin George Daniel.
Si beabadoobee an bisto sa saiyang cancion na “The Perfect Pair,” “Coffee,” “Glue Song,” asin “Real Man.”
