LEGAZPI CITY- Nagpagirumdom an sarong environment group sa pagmamantenir na malinig kan mga sementeryo ngunyan na panahon kan Undas.
Ini an katakod kan pagkalat kan mga basura kan nagkapirang mga namamanwaan tuyong nagbibisita sa mga sementeryo.
Segun ki EcoWaste Coalition Zero Waste Campaigner Ochie Tolentino sa intrevista kan Bombo Radyo Legazpi na kumpiyansa man sinda na gigibuhon kan mga barangay officials an saindang mandato ngani na mamantenir an kalinigan kan mga kamposanto na sakop kan saindang nasasakupan.
Tinawan duon kan opisyal an saindang tema na “Pwede nang mangarap sa isang malinis na Undas.”
Segun ki Tolentino na kun mapasiring sa sementeryo, mas marhay na magbalon nin bastante sana na inumon asin pagkaon na nakalaag sa resuable containers ngani na dae na magwalat nin basura.
Dagdag pa kaini na an mga i-aalay na burak, mas marhay na an mga buhay na masetas na may burak na nakalaag sa paso ngani na makalihis na i-offer an pwedesir pang i-uli ngani na patalubuon.
