LEGAZPI CITY-Nakadeploy na an manlaen-laen na otoridad gikan sa mga ahensya de gobierno sa rehiyon sa mga sementeryo ngani magtao nin asistensya asin seguridad ngonian na Undas 2026.
Segun ki Legazpi Public Safety Office Head Octavio Rivero, sa intrevista kan Bombo Radyo Legazpi na poon kasuudma, preparado na sinda asin nakapag-deploy na nin mga personahes sa mga kamposanto sa ciudad.
Pinaghahandaan man kaya ninda ruso kan mga mabisita para sa saindang mga namaaram na padangat sa buhay.
Piglalaoman man na poon alas 3:00 nin hapon hasta alas 8:00 nin banggi, madagsa an mga mabisita para sa Undas.
Presente man sindang nakabantay sa mga parking area, sa laog asin luwas kan sementeryo ngani magin maayos ini.
Rereparuhon man ninda an mga gamit na pinagbabawal sa pagbisita, asin an mga mapagsamantalang tawo para sa seguridad kan kagabsan.
