LEGAZPI CITY-Nakapagrehistro nin sarong drowning incident an Coast Guard District Bicol sa sarong motorbanca sa Sto. Domingo Albay durante kan obserbasyon kan Undas ngonian na taon.
Segun ki Coast Guard District Bicol Spokesperson Lieutenant Junior Grade Alyzza Novie Bermal, sa intrevista kan Bombo Radyo Legazpi na, an nasabing insidente nangyari kan Oktubre 29, kasabay kan pagpoon kan saindang kampanya para sa seguridad kan pagrumdom sa Undas.
Tulos man na na-retrieve an hawak kan biktima asin ipinaaram sa saiyang pamilya.
Mientras tanto, naireport man na labi sa P50,000 na mga outbound asin inbound passangers an nairehistro kan ahensya.
Sa presente, padagos man liwat an saindang monitoring sa mga pantalan sa rehiyon asin naka-heightened alert man liwat para sa seguridad kan mga pasahero.
Sinabi pa kan opisyal na kumparar kan nakaaging taon, nagbaba an numero kan insidente tuyong panahon kan Undas ngonian na taon.
Sa ibong kaini, nagpagirumdom an opisyal sa mga pasahero, orog na sa mga mabaralik sa saindang destinasyon, na siertuhon na dara an saindang gabos na mga pangangaipohan ngani dai maantala an saindang biyahe.
