LEGAZPI CITY – Ipiglatag na kan Department of Labor and Employment Bicol an saindang back to back activities katakod kan Independence day asin World day against child labor.
Segun ki Department of Labor and Employment Bicol Director Imelda Gatinao sa intrevista kan Bombo Radyo Legazpi na nakatalaan sindang magkondusir nin job fair sa sarong mall sa ciudad nin Legazpi kun sain magkakaigwa man ini nin one stop shop para sa mga government services nganing marikas na makakuwa nin magkakanigong papeles an mga job seekers.
Magkakaigwa man suboot nin kadiwa ng Pangulo, livelihood jobfair, asin an posibleng DTI diskwento fair na ma-ofresir nin mga barato asin dekalidad na mga school supplies.
Magkakaigwa man nin free legal service hale sa Integrated Bar of the Philippines Albay Chapter para sa mga mawot maghagad nin legal advice mantang makondusir man nin skill demonstration para sa mga promising barista an Technical Education and Skills Development Authority (TESDA).
Mientrastanto, pighayag pa kan opisyal na igwa man sinda nin training sa mga na-identipikar nindang pamilya na may huma nin pagigin child labor an saindang mga aki nganing makanuod an mga magurang na magtrabaho asin da epagpabayaan an mga aki na magtrabaho sa amay na edad.
Katabang man ninda sa nasabing training an Department of Social Welfare and Development, Department of Health, Department of Education, Local Government Unit asin iba pang ahensya.
Pagirumdom ni Gatinao sa mga jobseekers na amayan an pagpasiring sa venue nganing makapagrehistro nin amay asin matawan nin giya mapadapit sa aktibidad na ikokondusir kan saindang ahensya.
