LEGAZPI CITY—Pighayag kan sarong law expert na dae maaapektaran an pagbawas sa senator judges sa impeachment process ni VP Sara Duterte.
Ini makalihis an paghahanap ki Sen. Ronald Bato dela Rosa na nagtatago sa ley asin an posibleng pagluwas kan arrest warrant ki Sen. Christopher “Bong” Go na ipigdadawit sa kasong crimes against humanity ni dating Presidente Rodrigo Duterte sa ICC.
Segun ki Constitutional Law Expert Atty. Michael Henry Yusingco, sa intrevista kan Bombo Radyo Legazpi, dae kaini mapupundo an impeachment process ni VP Sara alagad mababawasan an mga senador asin mababago an vote to convict.
Pighayag man kan opisyal na dapat dae man pagtugutan si Bato na makapagboto sa impeachment urog na kun dae ini nakapag-atendir asin nakapag-oath durante kan trial ni VP Sara.
Mensahe man ni Yusingco na nasa kamot man liwat kan namamanwaan an poder kun habo nindang iboto an siring na kalidad kan mga senador na nadadawit sa anumang kaso.
