LEGAZPI CITY—Tinawan na pagpupugay ni Presidente Ferdinand Marcos Jr. sa saiyang speech an overseas Filipino workers sa Japan sa saindang nagin ambag digdi durante kan isinagibong State Visit kan opisyal.
Segun ki Bombo International Correspondent Japan Hannah Galvez, sa intrevista kan Bombo Radyo Legazpi, na highly-appreciated sinda kan presidente urog na mas mawot sindang magin obrero sa Japan kaysa sa ibang lahi.
Saro man suboot na makasaysayan an pagbisita ni Marcos sa Japan huli sa inimbitaran kaini an Pilipinas.
Dakol man na pinirmahan na memorandum of understanding an duwang nacion na may kinaaraman sa depensa asin seguridad para sa Southeast Asia.
Dugang ni Galvez na mas lalong naghihigot pa an relasyon kan duwang nacion partikularmente sa defense, security, asin magin an pagabarewas nin mga resources sa lambang saro.
