Nagigibo na nin mga lakdang an Department of Justice kasunod kan direktiba ni Presidente Ferdinand Marcos Jr. na aramon asin papanimbagon an siisay man na opisyal na nagtabang ki dating Bamban Mayor Alice Guo na makahali sa Pilipinas.
Segun ki Justice Spokesperson Mico Clavano na gigibuhon ninda an gabos na makakaya ninda para sa ipigkokundusir na imbestigasyon.
Marurumduman na enot ng ipighayag ni Senator Sherwin Gatchalian sa sarong press conference na duda siya na binalong pagtakpan kan nagkapirang ahensya de gobierno an paghali ni Guo sa nacion.
Segun sa senador na amay na naaraman kan manlain lain na ahensya de goboerno na nakahali na sa Pilipinas si Guo asin pigberepika an impormasyon.
Mientras tanto, sinabi man ni Presidential Anti-Organized Crime Commission na an big boss kan POGO asin iba pang kasosyo sa negosyo an nagtabang ngani na makahali sa Pilipinas si Guo kaibanan an mga tugang na sinda Sheila asin Wesley Guo siring man si Cassandra Ong.
