Wara na sa kustodiya kan mga awtoridad sa Czech Republic ang dating kongresista asin puganteng si Zaldy Co, segun sa kumpirmasyon ni Justice Secretary Frederick Vida sa sarong press conference naginibo sa Embahada ng Pilipinas sa Prague.
Sinabi ni Vida na basado sa pinakahuring impormasyon na kapot kan Department of Justice, dae na nasa kontrol ng Czech authorities si Co asin pigtutubudang nakaluwas na ini sa saindang kustodiya.
Siring man, nilinaw kan opisyal na padagos an koordinasyon kan Pilipinas sa mga awtoridad sa laog kan Schengen Area nganing mahanap an dating lehislador.
Segun pa sa ahensya, may mga indikasyon na nagtitinir pa man liwat si Co sa laog Schengen Area, sarong kasunduang naglilimita sa border controls sa dakol na nacion sa Europa.
Huli digdi, padagos an intelligence sharing asin monitoring sa mga posibleng hiro kan puganteng opisyal sa mga haraning nacion.
Dae pa pigluluwas kan DOJ an eksaktong detalye kun nuarin o pano nawara sa kustodiya si Co, alagad sienerto ni Vida na dae mapundo an gobierno sa paghahanap saiya nganing hampangon an mga kasong pigkahampang kaini sa Pilipinas.
