Pabor si Department of Public Works and Highways (DPWH) Secretary Vince Dizon na bawasan an P268.3 billion pondo kan ahensya sa flood control projects para sa masunod na taon.
Sinabi ni Dizon dapat sana ining bawasan nganing dae nabubugtak sa alanganin an iba pang mga lugar na nangangaipuhan talaga nin proyekto.
Tinawan-duon kan DPWH secretary na dapat talagang ayuson asin linigon sa mga flood control projects kan mga nakaaging taon.
Nagtutubod si Dizon na dapat magkaigwa nin dakulang pagbaba sa budget kan flood control nganing matanggal an mga kwestiyunableng proyekto.
Naghagad man si Dizon sa Kamara na tawan sinda nin bastanteng oras nganing maipakarhay an saindang propwestong 2026 budget.
Aminado an Kalihim na nao-overwhelm siya asin nalilibong huli sa ribok na saiyang naabutan puon kan nagtukaw siya bilang bagong kalihim kan ahensya.
Enot nang ibinuyagyag ni House Deputy Speaker Ronaldo Puno na may nahiling sindang kwestiyunableng proyekto sa 2026 National Expenditure Programs (NEP) sa DPWH.
