LEGAZPI CITY-Naghagad an Office of the Ombudsman nin precautionary hold departure order laban kay Senador Chiz Escudero asin sa negosyanteng si Maynard Ngu katakod kan imbestigasyon sa flood control project.
Kumpirmado kan sarong kan halangkaw na opisyal kan Sandiganbayan na an aplikasyon, na-raffle na sa Sixth Division kan korte.
Nahahampang sinda Escudero asin Ngu sa imbestigasyon huli sa suboot plunder, graft, asin bribery na may koneksyon sa pondo para sa flood control program.
Marurumduman na kan taong 2025, nagpaluwas nin report an Commission on Audit (COA) mapadapit sa suboot anomalya sa multi-billion peso flood control projects sa Metro Manila asin sa nagkapirang probinsya, kaiba an mga kontratang overpriced asin dai pa natatapos sa tamang oras.
Segun sa COA, an mga pagkukulang na ini, nagkawsa nin malalang pagbaha sa nagkapirang lugar, rason ngani magpoon an pagbusisi kan Ombudsman.
Sa presente, pina-iimbestigaran na kun igwang direktang partisipasyon si Escudero asin Ngu sa mga kontratang ini.
Iginiit kan Ombudsman na an travel ban importante ngani masierto na nahahampang an mga naiimbuelto sa proseso kan imbestigasyon asin dai ini makahale sa nacion mantang nagpapadagos an pagdangog sa kaso.
