LEGAZPI CITY-Nilinaw kan Ministry of Justice ng Czech Republic na wara suboot na anumang extradition proceedings laban kay dating Ako Bicol party-list Representative na si Elizaldy “Zaldy” Co.
Sa isinagibong miting kan Abril 27 sa Prague, Czech Republic, kabale an delegasyon kan Pilipinas na pinangenotan ni Acting Justice Secretary Fredderick Vida, sinabi kan kampo kan Czech na wara sindang nareresibe o naisasangat na pormal na extradition case laban sa sisay man na Filipino citizen.
Siring man, nagkasundo an duwang kampo na pag-adalan an posibilidad kan pagbilog nin sarong bilateral treaty para sa mas pinakusog na police cooperation sa pagultanan kan Pilipinas asin Czech Republic.
Sa kampo kan Pilipinas, padagos an operasyon kan mga awtoridad ngani mahanap si Co katakod kan mga kasong graft asin malversation na may kinaaraman sa suboot anomalya sa mga flood control projects sa nacion.
Enot nang ipinaaram kan Department of Justice, na wara suboot si Co sa kustodiya kan Czech authorities asin pinagtutubudang naglipat ini sa laog kan Schengen area, mantang nagluwas an mga report na pwedisir siyang magduman sa France ngani makahagad nin political asylum.
Mientras tanto, sinabi kan Philippine Center on Transnational Crime (PCTC) na padagos an koordinasyon kaini sa international counterparts asin pinag-aadalan an posibleng paghagad kan Interpol red notice ngani matunton asin maaresto an puganteng si Zaldy Co.
