Makalihis an nagkapirang semana na magkakasunod na paglangkaw sa presyo kan produktong petrolyo, pinaglalaoman ngunyan an pagkakaigwa nin rollback sa masunod na semana.
Basado kaya sa resulta kan Mean of Platts Singapore (MOPS) trading sa nakalihis na apat na aldaw, pigkakarkulo na an diesel an magkaigwa nin rollback na nasa P5.50 hanggang P6.50 kada litro.
An gasolina man an igwang kakarampot na pagbaba kan presyo na piso kada litro.
Maski papano, pinaglalaoman na makakatabang ini ngani na maibsan an gastos kan mga motorista sa langis.
An mga kumpanya nin langis an komon na nag-aanunsyar kan pinal na presyuhan tuyong Lunes asin pigi-implementar ini tuyong aldaw nin Martes.
