LEGAZPI CITY-Inanunsyo kan Department of Foreign Affairs (DFA) na wara man nin nairehistrong mga Pinoy na nadamay sa pagtama kan magnitude 8.8 na linog sa Russia.
Segun kay Department of Foreign Affairs (DFA) Assistant Secretary Robert Ferrer, na padagos an saindang pigsasagibong monitoring sa Kamchatka Peninsula kung sain iyo an nagin sentro kan linog.
Pig-momonitor man magin an mga apektadong Pinoy kan tsunami alerts sa New Zealand, Hawaii asin sa west coast kan Estados Unidos.
Nagpapadagos man an pigsasagibo nindang pangapudan sa mga Pinoy sa ibang nacion na makipag-koordinar sa mga opisyal kan gobierno sa saindang lokasyon.
