Pighahalat na kan Department of Foreign Affairs (DFA) an resulta kan formal scientific report dapit sa suboot paggamit nin cyanide sa Ayungin Shoal bilang preparasyon sa pagsasagibo nin diplomatic actions sa insidente.
Sa sarong pahayag, sinabi kan departamento na na magiging resulta kan mga nasabat na kemikal hali sa mga parasisirang Chinese nationals kan Oktubre kan nakalihis na taon, an magiging basehan para sa masunod na lakdang.
Tinawan duon kan ahensya na an paggamit nin cyanide na sarong toxic substance bilang paagi kan pagsisira an peligroso sa marine environment asin inapod na iresponsable.
Segun sa DFA na saro ining seryosong pagbayolar sa United Nations Convention on the Law of the Sea (UNCLOS) na nakalaag sa obligations of the State Parties partikular na an mandato na protehiran, i-preserve asin ibitaran an pagiging rason kan polusyon sa katubigan kan West Philippine Sea.
Mientras tanto, kinondenar man kan Armed Forces of the Philippines (AFP) an mga pahayag kan China na nagtataram na “fabricated” an saindang mga report asin sinabing an mga laboratory tests na ginibo sa nasabing mga kemikal an warang kredebilidad.
Nanindugan man an DFA na sa ibong kaini, magpapadagos an Pilipinas sa saindang monitoring asin mandato na protehiran an soberanya asin hurisdiksyon kan nacion sa maritime zones kaini.
