LEGAZPI CITY-Puspusan na an pakikipag-koordinar kan sa mga otoridad sa Czech Republic ngani maparikas an deportation pabalik sa Pilipinas kan puganteng dating kongresista na si Elizaldy Zaldy Co.
Segun kay Department of the Interior and Local Government (DILG) Secretary Jonvic Remulla, pwedisir na maibalik sa nacion an dating opisyal sa laog nin saro hasta tulong semana makalihis an matrayumpong pagkakaarestar kaini sa Prague.
Aminado an kalihim na nagkaigwa nin kadikit na komplikasyon sa proseso huli sa kawaran nin anumang travel documents si Co kan masabat ini.
Enot naman na kinumpirma ni President Ferdinand Marcos Jr. an pagkaarestar sa dating opisyal na siyam na bulan nang nagtatago sa ibang nacion.
Pag-abot sa nacion, isasairarom suboot si Co sa sarong komprehensibong physical examination sa Camp Crame ngani matukoy kun fit for trial ini.
Tulos man siyang ililipat sa Sandiganbayan para sa saiyang arraignment asin detensyon mantang pighahalat an desisyon kan krote kun bailable an saiyang mga kaso.
