Nakataas na an security alert kan U.S. Embassy sa Manila makalihis magadan an duwang Filipino-American sa engkwentro sa pagultangan kan militar asin New People’s Army (NPA) sa Toboso, Negros Occidental kan Abril 19.
Huli digdi, pinayuhan kan embahanda an mga namamanwaan kan Amerika na ibitaran an mga lugar na igwang aktibong operasyon kan militar, kaibanan an Negros, Leyte, Samar, asin Mindoro.
Pigkokunsiderar kan US asin Philippine governments an NPA bilang foreign terrorist organization.
Binanggit kan embahada na dapat na magin malikay an mga Amerikano sa pagbiyahe sa mga rural areas asin tulos na maghali kun igwang mahiling na armadong grupo.
An alerto an parte man mas pinahigot na seguridad kan US Embassy sa nacion.
