Nakikipag koordinar na ngunyan an Department of Foreign Affairs (DFA) sa mga otoridad sa Czech Republic ngani na maparikas an deportasyon pabalik sa Pilipinas kan dating lehislador na si Elizaldy ‘Zaldy’ Co.
Segun ki Department of the Interior and Local Government (DILG) Secretary Jonvic Remulla, posibleng maibalik sa nacion an dating opisyal sa laog nin saro hasta tulong semana makalihis ining maarestar sa Prague.
Aminado an opisyal na nagkaigwa nin diit na komplikasyon sa proseso huli ta warang dara na anuman na travel documents si Co kan maharang ini.
Marurumduman na enot ng kinumpirmr ni Presidente Ferdinand Marcos Jr. an pagkaka arestar kan dating opisyal na siyam na bulan na nagtago sa ibang nacion.
Oras na makabalik na sa Pilipinas, isasairarom si Co sa physical examination sa Camp Crame ngani na mahiling kun fit for trial ini.
Tulos man siyang ililipat sa Sandiganbayan para sa arraignment asin detensyon mantang pighahalat an desisyon kan korte kun bailable an saiyang mga kaso.
