LEGAZPI CITY – Nakatalaan magsagibo nin Satellite Voter Registration an Commission on Election (COMELEC) sa Barangay Kawit East Washington Drive, Legazpi City para sa nagdadangadang na Barangay and Sangguniang Kabataan Elections ngonian na taon.
Segun ki Punong Barangay Jonathan Rodenas sa intrevista kan Bombo Radyo Legazpi na pwedesir aprobitsaran kan saindang mga residentes asin kan Barangay Rizal St. Ilawod an aktibidad kan Comelec sa maabot na Pebrero 7.
Mapoon suboot an registration sa oras na alas otso nin pagka-aga sagkod alas dos nin pagkahapon na bukas para sa mga bagong botante asin mga mawot na may ipabago sa saindang voter’s information.
Basado man sa saiyang pakikipag-olay sa mga personahes kan ahensya, isasagibo sa saindang barangay an satellite voter registration nganing malikayan an kalimitang nangyayari na nagruruso an mga mawot magparehistro tuyong nagsasapit na an deadline.
Pig-enganyar man kan opisyal an saindang mga residentes na may edad 15 sagkod 18 anyos asin dae pa nakakapagrehistro na aprobitsaran an aktibidad kan komisyon nganing makapag-elihir nin mga panibagong lideres kan saindang Barangay.
Paglilinaw man ni Rodenas na nasa desisyon na kan mga personahes kan Comelec kun tutugutan nindang magparehistro an mga bako man residente kan Barangay Rizal St. Ilawod asin Barangay Kawit East Washington Drive sa nakatalaang schedule.
 is scheduled to conduct Satellite Voter Registration in Barangay Kawit East Washington Drive, Legazpi City for the upcoming Barangay and Sangguniang Kabataan Elections this year.){kind=link}