Inenganyar ni Cardinal Jose Advincula an mga mananampalatayang Pilipino na ipagpangadyi na matapos na an giyera sa Middle East, urog na anmga Overseas Filipino Workers asin an saindang pamilya na apektado kan kariribukan, magin an paglangkaw kan presyo kan langis.
Sa saiyang naging homiliya sa Celebration of the Passion of the Lord sa Manila Cathedral kan Biyernes Santo, ipigkumpara kan kardinal an mga sakripisyo ni Hesus sa krus sa mga tawong naapektaran kan kariribukan.
Tinukoy kaini an mga nadistrosong lugar asin an mga buhay na nawara huli sa giyera.
Dagdag pa kaini na an takot kan mga pamilya kan mga OFWs para sa saindang padangat sa buhay, magin an kadifisilan kan mga tsuper sa pag-abot sa saindang urualdaw na kabuhayan huli sa paglangkaw kan presyo kan produktong petrolyo.
Inenganyar man kaini an mga mananampalataya na magnilay, ipahiling an malasakit asin ipagpangadyi an katrangkiluhan.
Sa hudyan, nangapudan siya nin katrangkiluhan sa paagi kan pangadyi, na inuyunan an pangapudan ni Pope Leo XIV na tapuson na an giyera.
