LEGAZPI CITY- Nag-ofrecir nin calamity loan an Social Security System (SSS) para sa mga miyembro asin pensioners na nasa provincia kan Albay asin apektado kan padagos na pag-aalburuto kan Bulkang Mayon.
Sa intrevista kan Bombo Radyo Legazpi kay Jeanette Mapa, tagapagtaram kan SSS Legazpi, pwedesir nang makapag-file sa nasabing loan program puon Pebrero 15 hasta Mayo 15.
Segun ki Mapa, kaipohan sana magduman sa oficina, ipahiling an SSS ID kasabay an Barangay Certification asin pwedesir nang makapagloan nin maabot sa P32,000.00.
Napag-araman na babayadan an makukuang kantidad sa laog nin duwang taon.
Mientras tanto, afuera sa calamity loan pwedesir man na mag-apply an mga pensioners nin three months-advance para sa makukuang pension mantang binabaan man an interest rate para sa direct house repair and improvement nin 6% hale sa dating 8% hasta 11%.
Obheto kan programa na matabangan an mga miembro kan SSS na nadidificilan ngonian huli sa sarong bulan nang aktibidad kan bulkan.
