LEGAZPI CITY-Nai-rehistro an labi sa -K metrikong tonelada kan produksiyon kan abaca sa provincia kan Catanduanes ngonian na enot na kwarter kan taong 2026.
Segun kay Philippine Fiber Industry Development Authority (PhilFIDA) Catanduanes Provincial Fiber Officer Bert Lusuegro, sa intrevista kan Bombo Radyo Legazpi na nasa 2,800 metric tons an produksyon huli ta pig-harvest magin an mga typhoon damage, orog na an mga nasa heavily damage areas.
Dagdag pa niya na haros katumbas ini nin 25% sa laog kan sarong taon sa enot na kwarter.
Piglalaoman man ninda na mag-abot ini sa 12,000 hasta 13,000 metric tons ngonian na taon, huli ta magayon asin halangkaw an produksyon.
Alagad igwa man suboot na mga Abaca farmers an dai pa masyadong nakakapag-harvest.
Kadaklan sa mga igwang darakulang produksyon, gikan sa Caramoran, San Miguel, Viga, asin Baras.
Nagin factor man sa paglangkaw kan produksyon an mahal na presyo kan fiber, asin nakisama an tag-init kun sain madaling mabalad an mga Abaca.
Sa presente, nasa 96-100 an presyo kaini depende sa grado asin pinakahababa na an 48 kada kilo na presyuhan sa provincia.
