LEGAZPI CITY-Nakahanda na an Legazpi City Public Safety Office personnel na magtao nin asistensiya sa pagbubukas kan klase sa Hunyo 9, 2026.
Segun kay Public Safety Office Head Octavio Rivero, sa intrevista kan Bombo Radyo Legazpi na sa ngonian nagsasairarom sa 10-days training an saindang personahes asin nakahanda na para sa pabubukas kan klase.
Preparado na man an saindang tawohan na i-deploy sa Ibalong, Cabangan, Bagumbayan Elementary School, Saint Agnes asin Albay Central School.
Magtatao man sinda nin asistensiya sa mga estudyante asin ngani mamantenir an daloy kan trapiko sa mga nabanggit na lugar.
Nasa 42 na mga personahes an handang i-deploy asin nakalatag na man sa mga eskwelahan.
Mientras tanto, pinagbabantayan man kan saindang ofisina an posibleng mga overcharging sa ciudad, orog na ngonian na pagbubukas kan klase.
