LEGAZPI CITY-Nakagibo nin historya an duwang atleta hale sa Albay makalihis masungkit an tulong gintong medalya sa manlain-lain na swimming events sa nagpapadagos na Palarong Bicol 2026.
Segun kay Schools Division Office of Albay Spokesperson Froilan Tena, sa intrevista kan Bombo Radyo Legazpi na sa ikaapat na aldaw kan Palarong Bicol, enot ining pagkakataon na nakalaog na atleta sa swimming event na dadarahon sa Palarong Pambansa.
Padagos an labanan kan mga atleta hale sa Albay para sa gold asin silver medals, kun sain basado sa huring datos, nasa pang-apat na pwesto na an Albay sa enterong ranking.
Mantang nasa 22 silver medal na an nakuwa kan Albay asin katampad kaini sa ranking an Camarines Sur na igwang 13 silver medals.
Sinabi man kan opisyal na sa presente, nasa maayos na kondisyon an mga atleta.
Piglalaoman man kan opisyal na makuwa kan dibisyon an total gold medal tally siring kan nakalihis na taon asin mamantenir an magayon na performance kan mga atleta
