LEGAZPI CITY-Labi an kaogmahan ni Pinay tennis star Alex Eala sa padagos na suporta asin mainit na pagtanggap sa saiya kan mga Filipino.
Sa saiyang pagbisita sa Palasyo kan Malakanyang, dai suboot niya lubos na maabot an kasikatan na natatamasa sa ngonian.
Sinabi man niya na dai siya masawa na darahon an bandera kan Pilipinas sain man na mga international tournaments.
Pigsierto man niya na gigibohon niya na gabos ngani magin matrayumpo sa international tennis tournaments.
Nasa Pilipinas ngonian si Eala makalihis an saiyang pagkawat sa Wimbledon kun saen sunod naman siyang masabak sa US Open sa mga masunod na semana.
