Kinondena kan Armed Forces of the Philippines an peligrosong aksyon na isinagibo kan air force kan China sa Scarborough Shoal sa West Philippine Sea.
Segun kay Armed Forces of the Philippines chief General Romeo Brawner Jr., nagpapatrolya sa laog kan teritoryo kan Pilipinas an NC-212i propeller aircraft kan Philippine Air Force kan bigla ining ranihan kan duwang aircraft kan People’s Liberation Army kan China.
Bigla suboot na nagbagsak nin flares an Chinese aircraft sa pig-aagihan kan aircraft kan Pilipinas.
Segun kay Brawner, peligrosong maray an ginibo kan China na suway sa law on aviation safety asin naglaag sa alanganin sa buhay kan piloto kan Pilipinas.
Salbado man na nakabalik sa Clark Air Base sa Pampanga an piloto asin crew kan eroplano.
Alagad tulos man na nagdepensa an China na nanindugan na wara nin sala sa ginibo kan saindang mga piloto.
Nagsasagibo suboot nin pagpapatrolya an fighter jets asin mga barkong panggera kan Southern Theater Command kan iligal na maglaog sa saindang teritoryo an aircraft kan Pilipinas.
