LEGAZPI CITY-Mapapasabak tulos sa matinding laban sa enot na round kan Mubadala DC Open sa Washington, DC si Pinay tennis star Alex Eala.
Nakatakda niyang makahampang digdi si Zheng Qinwen kan China.
An 23-anyos na si Zheng an nagwagi kan singles gold sa 2023 Asian Games asin 2024 Paris Olympics.
Kan 2025 Wimbledon, nagsapo ini nin injury na nagresulta sa pag-opera kan saiyang toong-siko.
Huring nakahampang ni Eala si Zheng kan Asian Games 2023 kun sain nabigo si Eala sa kawat na nag-abot nin tulong oras.
Igwang ranking si Zheng na 123 sa bilog na kinaban kun sain an pinakahalangkaw na ranking kaini, nasa number 4.
Aminado si Zheng na magigin dakulang angat para saiya an paghahampang kay Eala huli sa sarong taon na an nakagi asin kadakol na mga pagbabako sa kawat kaini.
Gaganapon an kwat kan duwa sa oras na ala-1 nin pagkaaga sa Miyerkules , Hulyo 29.
