LEGAZPI CITY-Balik normal na an operasyon kan mga pantalan sa provincia kan Catanduanes makalihis an suspensiyon kan mga biyahe huli sa raot nin panahon.
Segun kay Port Management Office Bicol Media Relations Officer Achilles Galindes sa sa intrevista kan Bombo Radyo Legazpi na balik normal na an biyahe sa gabos na barko sa gabos na pantalan na sakop kan Bicol Region.
Alagad nakapagrehistro nin 8 barko an apektado sa ruta pasiring sa Tabaco-Catanduanes makalihis an kanselasyon kan biyahe kan nakaaging aldaw kun sain haros 385 an stranded na pasahero.
Sa presente, poon alas 12:00 nin hapon, haros naitawid na an mga biyaheros sa nasabing mga pantalan.
Wara man nin nairehistrong anumang untoward incident asin sinierto ninda an pakikipagtabangan sa lokal na gobierno ngani makapagbarewas nin tabang sa mga nagba-biyahe.
Sa pag-abot man kan typhoon season, padagos man an saindang kooperasyon sa iba pang mga ahensya ngani mapaghandaan an anumang raot nin panahon.
