LEGAZPI CITY—Ikinahandal kan grupo nin mga parasisira an nangyaring mga panibagong insidente nin pangha-harass kan China sa mga tropa kan Pilipnas sa parte kan West Philippine Sea.
Segun ki Pambansang Lakas ng Kilusang Mamamalakaya ng Pilipinas (Pamalakaya) Chairperson Pando Hicap, sa intrevista kan Bombo Radyo Legazpi, dae man kuta maabot pa sa siring na insidente huli sa kaya man ining maresolbaran kun igwa nin seryoso asin independiente na pagbisto bilang sarong nacion.
Katakod kaini, pangapudan kan grupo na pahalon na an mga militar sa West Philippine Sea—Chinese man o tropa kan Pilipinas, asin pabayaan an mga parasisira na magin malaya sa pagsira nganing magkaigwa nin katoninongan an kadagatan.
Dugang niya na mag-olay na an duwang nacion nin masinsinan huli sa bako giyera an solusyon pag-abot sa nasabing isyu.
Mientrastanto, sa gigibohong State of the Nation Address ni Presidente Bongbong Marcos sa Lunes an makundusir man nin People’s SONA an manlaen-laeng sektor sa nacion nganing ipahayag an saindang eksperyensya sa irarom kan Marcos administration puon kan nagtukaw ining presidente kan taong 2022.
