LEGAZPI CITY-Mas mababa an presyo kan gasolina ngonian na semana para sa mga motorista mantang an mga kaharongan naman an kinakaipuhang magbayad nin mas halangkaw na kantidad para sa mga naggagamit nin liquefied petroleum gas (LPG).
Susog sa Department of Energy (DOE), mahalangkaw an presyo kan LPG para sa bulan kan Agosto.
Sa sarong abiso, segun sa ahensya, an presyo kan LPG mapakol sa maximum na P3.67 kada kilo katumbas kan P40.38 para sa sarong 11-kilogram na cylinder.
Sinabi kan ahensya na an mga pinakabagong pagsasaayos, basado sa mga paghiro sa pankinabang merkado kan langis sa tahaw kan kariribukan sa Middle East na padagos na nakakaapektar sa suplay asin presyuhan sa kinaban.
Padagos man na pigsisikap kan ahenysa na masierto an bastanteng suplay kan langis asin protehiran an mga konsumidores sa epekto kan pabagu-bagong presyo sa global market.
