LEGAZPI CITY-Pinaglalaoman kay Presidente Ferdinand “Bongbong” Marcos Jr. na mataram an relasyon kan Pilipinas sa China, partikularmente an nagpapadagos na tensyon sa West Philippine Sea, sa saiyang ikalimang State of the Nation Address (SONA) sa Lunes, Hulyo 27.
Sa laog kan nakaaging taon, nanindugan an administrasyon kan katagang “kaibigan sa lahat, kaaway ng wala” na polisiya mantang padagos ining nakikipaglaban para sa mga derichos asin soberaniya kan nacion sa West Philippine Sea.
Pinakusog man kan gobierno an suporta para sa mga patakaran na nakabase sa internasyonal na orden asin an 2016 arbitral ruling na nagsabi na an mahiwas na mga pag-angkin kan China sa WPS an warang legal na basehan.
Sa ibong kan mga diplomatikong protesta asin padagos na presensya kan mga sakayang pandagat kan China sa pinag-iiwalang kadagatan, nagtetenir an Pilipinas na komitido sa matoninong na pagresolbar kan iriwal sa paagi nin diplomasya, mantang pinapakusog man an relasyon kaini sa mga kaalyado arog kan Estados Unidos, Japan, asin Australia.
