LEGAZPI CITY-Uminabot sa labi P12.50 milyon an kantidad kan danyos sa sektor kan agrikultura makalihis an pananalasa kan
bagyong Inday sa nacion.
Segun sa Department of Agriculture (DA), naapektaran an kabilugang 1,078 paraooma na igwang 500 ektarya kan agricultural areas sa apat na rehiyon.
Basado sa initial assessment kan DA Disaster Risk Reduction and Management Operations Center, nairehistro an danyos sa sektor kan agrikultura sa Calabarzon, Mimaropa, Western Visayas asin Negros Island Region.
Huli digdi, nawara an 107 metric tons nin produksiyon, na subject sa beripikasyon.
Piglalaoman pa an dugang na danyos asin pagkalugi sa mga apektadong rehiyon mantang padagos an pigsasagibong assessment asin beripikasyon.
Bilang tugon sa pangangaipo kan mga apektadong paraooma asin parasisira, naglatag an ahensiya kan mga interbensiyon kaibanan an mga agricultural inputs, Survival and Recovery Loan Program asin indemnification kan mga apektado asin insured na paraooma.
