LEGAZPI CITY-Nakatalaang ipaotob an P45 dagdag sa sahod sa CALABARZON sa Oktubre 26 para sa mga minimum wage earners.
Katumbas ini nin hasta P 1,170 na dagdag sa bulanang sahod kan mga obrero sa rehiyon.
Ipinahayag kan Department of Labor and Employment (DOLE) kan Sabado na inaprobaran na an daily minimum wage increase na maabot sa P45 para sa mga obrero sa nasabing rehiyon.
An Regional Tripartite Wages and Productivity Board (RTWPB) 4-A asin an National Wages and Productivity Commission (NWPC), na binibilog nin mga miyembro gikan sa labor unions, employer groups, asin gobierno, an nag-aprobar kan paglangkaw sa sahod sa irarom nin sarong tripartite mechanism.
Sinabi kan ahensya na an desisyon gikan sa “pag-ebalwar kan mga eksistidong socio-economic conditions.”
