LEGAZPI CITY-Pigsierto kan Civil Aviation Authority of the Philippines (CAAP) an kahandaan kan mga eropuerto sa nacion para sa pag-abot kan mga head of states kan ASEAN asin saindang mga delegado.
Naapektaran kaya an nagkapirang biyahe asin rinibong mga pasahero huli sa pagsasagibo kan 49th ASEAN Summit sa nacion.
Sinabi ni CAAP public information officer Bea Bernardo na handa sindang magtabang sa mga maabot na lider kan manlaen-laen na nacion na makikisumaro sa sa ASEAN Summit.
Pinayuhan man kaini an mga mga pasahero na hilingon an saindang mga flights ngani dae magkaaberya sa saindang pag-biyahe.
Igwa man na mga airport helpdesk na inilaag para sa mga maapektarang pasahero.
Paglilinaw kaini na normal screening an isasagibo sa mga eropuerto asin wara man na gigibohong pagsasarado kan mga tinampo.
