Sinierto kan Civil Aviation Authority of the Philippines (CAAP) an kahandaan kan mga erpuerto sa nacion para sa pag-abot kan mga head of states kan ASEAN asin kan saindang mga delegado.
Naapektaran kaya an nagkapirang flights asin nagkapirang ribong mga pasahero huli sa pagsasagibo nin 49th ASEAN Summit sa nacion.
Sinabi ni CAAP public information officer Bea Bernardo na preparado sindang tabangan an mga maabot na lider kan manlain lain na nacion na makikipartisipar sa ASEAN Summit.
Pinayuhan man kaini an mga pasahero na hilingon nin marhay an mga flights ninda ngani na dae magka aberya sa saindang biyahe.
Igwa man na mga airport helpdesk na ipiglaag para sa mga naapektaran na pasahero.
Nilinaw man kan ahensya na normal screening an isasagibo sa mga erpuerto asin warang gigibuhon na pagsasarado kan mga tinampo.
