Sinierto kan Philippine National Police (PNP) na gagamiton ninda an gabos na resources bilang parte kan pagtataong seguridad para sa paparaning 49th Association of Southeast Asian Nations (Asean) Summit and Related Summits.
Segun ki PNP chief General Jose Melencio Nartatez Jr., na gabos na paagi kan pagtataong seguridad an saindang ipapaotob ngani na mas maging salbado an nasabing pagtiripon.
Magdedeklarar man sinda nin alert status kun kinakaipuhan.
Pinaglalaoman kaya na maatendir an mga delegado hali sa ibang mga nacion kaibanan na si US President Donald Trump.
Ini an para sa regional high-stakes meetings puon sa Nobyembre 16.
Sa presente segun ki Nartatez na igwa sanang low-level threat an saindang nahihiling.
Sinierto man kan opisyal na preparado an kapulisan kaibanan an iba pang mga ahensya para sa pagtatao nin seguridad sa mga opisyal na maatendir sa nasabing pagtiripon.
