LEGAZPI CITY-Pighahagad kan House prosecution panel sa Senado bilang impeachment court na buksan ngonian na aldaw nin Huwebes an selyadong kahon kan Bureau of Internal Revenue (BIR) na naglalaog nin tax records ni Vice President Sara Duterte, kan saiyang agom na si Atty. Manases “Mans” Carpio, asin kan saindang mga kumpanya.
Segun kay House prosecutor asin Bicol Saro Partylist Rep. Terry Ridon, importanteng mabusisi an laog kaini huli ta igwang katakod ini sa Article II kan impeachment complaint na nagtatalakay sa suboot dai maipaliwanag na yaman.
Dai man binuksan an BIR records kan pagdangog kan House Committee on Justice asin nagteteni na parte sana kan mga rekord kan kaso.
Piglalaoman man kan prosekusyon na matutol an kampo ni Duterte sa pagbubukas kaini.
Sinabi kan prosekusyon na makakatabang an mga dokumento ngani mabusisi kun tugma an mga deklaradong ari-arian, kita asin net worth kan Bise Presidente sa mga rekord kan BIR.
Nakatakda man na magpoon an impeachment trial sa Hulyo 6.
