LEGAZPI CITY-Kinumpirma kan Department of Justice na makikipag-koordinasyon liwat sinda sa Senado katakod kan pigsasagibong imbestigasyon mapadapit sa nangyaring insidente nin pambabadil kan Mayo.
Segun kay Justice Secretary Atty. Fredderick Vida, magpapadara liwat sinda nin ‘request’ ngan makagibo nin inpeksyon o maski mabusisi an pasilidad kan senado kun sain nangyari an insidente.
Afuera suboot kaya sa mga nakolektang video, nagtutubod an kalihim na labing makakatabang kun personal pang mahiling kan prosekusyon an lokasyon o pinangyarihan kan insidente.
Naglalaom man si Vida na magkakaigwa nin mas matinding koordinasyon asin kooperasyon sa pagultanan kan kapulungan asin prosekusyon.
Pighihiling man an pagigin ‘attached agency’ kan National Bureau of Investigation sa Department of Justice bilang posibleng ‘conflict of interest’.
Sa presente, wara pang panibagong aksyon o tugon an senado sa kahagadan kan nabanggit na opisina.
Alagad, pigsisierto kan Department of Justice na warang papaboran sa nagpapadagos na imbestigasyon kan prosekusyon sa kaso.
