LEGAZPI CITY- Namantenir kan super typhoon Rosal an kusog kaini mantang naghihiro pasiring sa direksyong west northwestward sa kadagatan kan east kan northern Luzon.
An sentro kan nasabing raot nin panahon an huring nahiling sa 845 km East kan Northern Luzon.
Igwa ining kusog na 215 km/h asin pagbugso na 265 km/h.
Sa presente, nakabandera na an tropical cyclone wind signal no. 2 sa Batanes.
Nakataas man an tropical cyclone wind signal no. 1 sa Cagayan including Babuyan Islands, eastern portion kan Isabela (Maconacon, Divilacan, Palanan, Santa Maria, Cabagan, Delfin Albano, Santo Tomas, Tumauini, San Pablo, Ilagan City, San Mariano, Dinapigue), Ilocos Norte, Apayao, siring man an northeastern portion kan Catanduanes (Pandan, Bagamanoc, Panganiban, Viga, Gigmoto).
