Nakalaog na sa Philippine Area of Responsibility (PAR) an Super Typhoon Champi asin tinawan nin lokal na pangaran na “Rosal.”
Huring nahiling an sentro kan bagyo sa rayong 1,385 kilometro sa sirangan kan Central Luzon mantang naghihiro sa West Northwestward sa rikas na 25 kilometro kada oras.
Igwa ining maximum sustained winds na 185 kilometro kada oras harani sa sentro asin pagbugso na nasa 230 kilometro kada oras.
Sa presente nakabandera man an tropical cycplone wind signal no. 1 sa nagkapirang parte kan Luzon partikular sa Batanes, sirangang parte kan Babuyan Islands (Babuyan Is., Camiguin Is., Didicas Is.), sirangan kan mainland Cagayan (Santa Ana, Gonzaga, Lal-Lo, Santa Teresita, Camalaniugan, Aparri, Buguey, Gattaran, Baggao, Peñablanca), an norteng sirangan kan Isabela (Maconacon, Divilacan, Palanan, San Pablo, Cabagan, Santa Maria, Tumauini, Ilagan City), asin norterng sirangan kan Catanduanes (Pandan, Bagamanoc, Panganiban, Viga, Gigmoto).
