Ibinuyagyag ni dating DPWH Bulacan District Engineer Henry Alcantara sa Sandiganbayan Third Division na nakaresibe siya nin 2% cut bilang “gentle request” hali sa suboot kickbacks para ki dating Ako Bicol Rep. Zaldy Co.
Sinabi man ni Alcantara na an 2% cut an pig-aapod pa kaining “lambing”.
Sa sinumpaang testimonya ni Alcantara, isinaysay kaini na siya an nagpasa kan listahan kan mga proyekto ki dating Ako Bicol Representative Zaldy Co karibay kan suboot pagresibe niya nin mga kickbacks.
Dagdag pa niya na an suboot mga kickbacks ni Co an pigkakarkulong 20% alagad tulos na nadagdagan asin naging 25% kan panahon kan pagseserbi ni dating house speaker Martin Romualdez.
Sa ginibo man na cross examination kan abogado ni Romualdez na si Atty. Thea Daep, hinapot kaini si Alcantara kun pig-request niya an 2% cut hali ki Co.
Sinimbag man ini ni Alcantara asin sinabing siya an ‘naglambing’ o naghayag kan saiyang gentle request na 2% kickbacks.
Tulos man suboot na inuyunan an 2% request increase ni Co, asin napag-araman na an kickbacks an hali sa advance payment kan contractors.
Marurumduman na nahahampang si Romualdez sa kasong plunder o pandarambong katakod kan suboot 7.44 billion kickbacks kaini sa mga government infrastructure projects kan taong 2022 hasta 2025.
