LEGAZPI CITY-Nagtetenir na kumpyansa an Department of Justice na mahahanap asin maaarestar an puganteng si Charlie “Atong” Ang.
Segun kay Prosecutor General Richard Anthony Fadullon, tiwala sinda sa mga pigsasagibong operasyon kan Philippine National Police o mga awtoridad na mahanap an lokasyon kan akusadong negosyante.
Mientras tanto, nanindugan an ahensya na dai man maapektaran an ‘missing sabungeros case’ maski pa bigo na makontak an pamilya kan mga nawawarang sabungero.
Segun sa pahayag ni Fadullon, an kawaran nin komunikasyon o pagkabigong makipag-koordinar sa mga kapamilya, dai makakaapekto sa aspetong ‘kriminal’ kan kaso.
