Nilinaw kan Department of Justice na an pag-isyu nin ‘subpoena’ an bako otomatikong guilty na an sarong respondent sa reklamo.
Segun ki DOJ Usec. Ian Norman Dato, an inisyung subpoena an parte kan preliminary investigation stage kan panel of prosecutors sa reklamong pigkakaputan.
Digdi suboot pigtatawan nin tsansa an mga respondents ngani na simbagon an alegasyon na pigkakahampang antes umabot sa dagos na pagsusunad nin kaso.
Marurumduman na pigsugo kan DOJ sinda Senator Robin Padilla, Lt. Col. Jean Robles asin iba pa na naghahampang sa panel of prosecutors ngani na magsumiter kan saindang counter-affidavits kalakip kan ebidensya.
Parehong nahahampang an mga ini sa reklamong ‘obstruction of justice’ katakod kan suboot pagtakas ni Sen. Bato Dela Rosa sa implementasyon kan arrest warrant kan International Criminal Court.
Itinalaan man an mga pagdangog kan panel sa Setyembre 25 asin Oktubre 9 sa Department of Justice.
Sinierto kan ahensya na makakalaom suboot na reresolbaron an reklamo na warang pigkikilingan asin pigpapaburan sa anuman na posisyon kan mga partido.
