LEGAZPI CITY-Nagsangat nin disbarment case an National Bureau of Investigation-National Capital Region (NBI-NCR) Office of the Bar Confidant kan Korte Suprema laban sa dating Representative kan Negros Oriental na si Jacinto “Jing” Paras asin apat pang mga abogado manungod sa saindang suboot pagkakaimbuelto sa sarong “honeytrap plot” na pigtatarget si Executive Secretary Ralph Recto.
Pinangaranan man sa reklamo an mga abogadong sina Ruy Rondain, Orlando Mendiola, Patrick Criaga, asin Josemilio Manuel Apostol, na suboot nagtabang sa pagpreparar kan mga script asin affidavit para sa apat na babaying na recruit para sa scheme.
An lakdang na ini kasunod kan naenot nang pagsangat nin reklamo kan NBI sa Department of Justice para sa qualified human trafficking kontra ki Paras, sa apat na abogado, kay Batangas 1st District Representative Leandro Leviste, asin sa sarong talent manager.
Mientrastanto, marikas na pigdenunsyar ni Paras an aksyon, asin pig-aasegurar na ini parte sana kan mga taktika nin pang-aapi asin panggigipit kan gobierno.
Pigduon kan dating mambabatas na gibo-gibo sana suboot an mga akusasyon kontra sa sainda asin sinabi kaini na preparado sindang magdepensa sa korte.
Mantinido man an paninindugan kan NBI na igwa nin supisyenteng basehan an isinangat na reklamo nganing mapatawan nin kapadusahan an mga imbueltong abogado.
