Tulos na popoonan kan Philippine Sports Commission sa paglaog kan 2027 an isasaghibong pagpapakaray kan Rizal Memorial Stadium.

Segun sa PSC, kasunod ini kan pagsasapormal kan memorandum of agreement kan PSC, Philippine Football Federation (PFF) asin International Federation of Association Football.

Nagpirma sa MOA si FIFA President Gianni Infantino kaiba si Executive Secretary Ralph Recto, PSC chairman Patrick Gregorio asin PFF president John Gutierrez.

Nakasaad sa MOA na magtatao an FIFA nin 25 milyong dolyar o katumbas nin labi 1.6 bilyong piso para sa pagpapakusog kan football sa nasyun.

Sa naunambitang halaga, an 13 milyong dolyar o katumbas nin labi 831 milyong piso an mapapaduman sa mahewasang pagpapakaray kan Rizal Memorial Football Stadium nin warang anumang gagastuson an gobyerno.

Sinabi ni Infantino na magigin tunay na kayamanan an Rizal Memorial Stadium kun sain digdi makawat an manlaen-laen na parakawat hale sa ibang mga nasyun.