Idinoon ni Senador Robinhood “Robin” Padilla na dai niya hihikayaton si Senador Bato Dela Rosa na basta na sana sumuko sa presente kasabay kan kinakahampang na arrest warrant hale sa International Criminal Court.
Nanindugan an senador na dai siya mangangapodan sa kapwa mambabatas na isuko an sadiri kaini asin karapatan suboot an padagos na pagtatago huli ta warang lokal na korte an nagsugo na ipahanap an mambabatas.
Kan Nobyembre 3, 2026, personal na nagduman si Sen. Padilla sa Department of Justice tanganing maghampamg sa panel of prosecutors sa pagdangog kan preliminary investigation sa reklamong kinakahampang niya.
Sinangatan kaya siya kan pulisya nin reklamong obstruction of justice huli sa suboot pagtabang ki Sen. Dela Rosa na makaluwas sa Senado tanganing makadulag sa arrest warrant kan International Tribunal.
Simbag ni Padilla, dai ini maituturing na pagdulag huli ta warang mandamiento de aresto na hali mismo sa lokal na korte.
Mientrastanto, inamin man niya na naiinggit siya ki Dela Rosa huli ta mga dayuhan pa an naghahanap saiya, asin pigkompara niya an saindang sitwasyon sa mga bayani na sina Macario Sakay asin Gat Andres Bonifacio.
