LEGAZPI CITY-Dumipensa an kampo ni Senador Bato Dela Rosa mapadapit sa pag-andar kan proseso sa pigkakahampang kaining ‘ethics complaint’ sa Senado.
Sa opisyal na pahayag kan saiyang abogado na si Atty. Israelito Torreon, saiyang iginiit na an ‘findings’ kan Senate Ethics Committee, bako tulos katumbas sa desisyon kaini.
Pigkonsidera kaya kan komite bilang ‘sufficient in form and substance’ an reklamo kontra sa Senador alagad basado sa abogado, bako ini nangangahulugang may pigbayolar na sa ‘Senate Rules’ an mambabatas.
An nasabing lakdang suboot, parte kan proseso upang pormal na maipadara an reklamo sa ‘respondent’ ngani na magsumiter kan saiyang kasimbagan.
Kinumpirma ni Atty. Torreon na naresibe asin binisto naman na kan opisina kan Senador an nabanggit na reklamo.
Pigsierto kan saindang kampo na masangat nin kasimbagan si Bato sa laog kan itinaong panahon kan komite.
Piglalaoman man ninda sa Senate Ethics Committee na mabasura an naunambitang reklamo.
Si Sen. Bato, inireklamo sa Senado kan grupong “Wag Kang KuCorrupt” huli sa haloy na pag ‘absent’ kaini bilang Senador kan nacion.
Sa tahaw kaini, nagtetenir suboot na kumpiyansa an kampo kan mambabatas na magdedesisyon an komite basado sa regulasyon asin ebidensya.










