LEGAZPI CITY-Preparado na Sorsogon Police Provincial Office sa pag-obserba kan ika-128 anibersaryo kan Independence Day.
Segun kay Sorsogon Police Provincial Office Police Information Officer Police Major Arwin Destacamento, sa intrevista kan Bombo Radyo Legazpi na gaganapon an simpleng selebrasyon sa kapitolyo kan probinsya kan Sorsogon.
Popoonan ini sa paagi kan flag raising, mensahe kan kada lider kan mga ahensya, asin iba pang aktibidad.
Mapoon an nabanggit na aktibidad sa oras na alas 7:00 nin pagka-aga.
Magkakaigwa man nin mga programa an mga pulisya na isasagibo sa kada stasyon kairiba an mga local government units.
Pangapudan ni Destacamento na makisumaro sa paagi kan pagrumdom sa ika-128 anibersaryo kan Independence Day, bilang parte kan historya manungod sa pagkakaigwa nin kalayaan asin katoninongan sa nacion.
