Pinawi kan Department of Agriculture (DA) an pagkahadit kan publiko na magkaigwa nin kakulangan nin suplay nin pagkaon sa nacion huli sa pinaglalaoman na epekto kan super El Niño.
Sinabi ni Agriculture Secretary Francisco Tiu Laurel Jr. na igwang hasta sa 125 aldaw na suplay nin manok sa nacion.
Maikokunsiderar kaini na bastante an nasabing numero nin suplay nin manok huli sa normal na mainit na panahon suboot an hibaba an produksyon kan manok.
Sinierto man niya na nariribayan an mga ini kung bumaba na sa 70 days an suplay.
Mantang an pork supply man an igwang hasta 170 days pa na itatagal sa nacion.
Wara man na pornblema an suplay kan bagas huli sa nakatabang an “habagat” para mag-improve an lebel sa mga dams.
Posibleng sa mga masunod na bulan pa maaraman an epekto kan suplay sa paroy sa nacion.
Nagkaigwa sana suboot nin problema an suplay kan mais kaya naglangkaw an presyo kaini urog na sa Isabela.
